💪 10 სამოტივაციო ფრაზა, რომლებიც შეგაჯანჯღარებს

გამარჯობა! ❤️‍🔥 

დღევანდელ მენიუშია:

• 10 სამოტივაციო ფრაზა;

• 2 პოდკასტი, რომელიც მომეწონა

• წიგნი, რომელსაც მივუბრუნდი და გირჩევ

სანამ კითხვას დაიწყებ, თხოვნა მაქვს:

გამოიწერე ჩემი ინსტაგრამი თუ უკვე არ გაქვს გამოწერილი.

10 სამოტივაციო ფრაზა

1. შენ შეგწევს ძალა, შეცვალო შენი წარმოდგენები საკუთარ თავზე. შენი იდენტობა ქვაზე დაწერილი არ არის. არჩევანი ყოველ წამს გაქვს. შეგიძლია აირჩიო სასურველი იდენტობა, რომლის გაძლიერებაც დღეს გსურს იმ ჩვევებით, რომლებსაც დღეს ირჩევ - ჯეიმს ქლიერი

2. ადამიანმა, რომელსაც გამარჯვება სურს, გემები უნდა დაწვას და ყველა უკან დასახევი გზა და საშუალება მოიჭრას. წარმატებისთვის ესოდენ მნიშვნელოვან გამარჯვების მწველ სურვილს ასეთნაირად ინარჩუნებს - ნაპოლეინ ჰილი

3. ისინი იმორჩილებენ, ვისაც სჯერა, რომ შეუძლია. ის აკეთეთ რისიც გეშინიათ და ამით შიშის სიკვდილი გარდაუვალი გახდება. თავდაჯერებულობასა და რწმენაში ივარჯიშეთ და ვეღარც შიში მოგერევათ და აღარც საფრთხის განცდა დაგტანჯავთ - ნორმან პილი

4. რა საჭიროა თავის მტვრევა, როდესაც ისედაც კარგად იცი, რისი ქმნა გმართებს. ისწრაფე წინ და ნუღარასოდეს შემოიქცევი უკან. ხოლო თუ წინ სიარული არ შეგიძლია, შესდექ რათა რჩევა სთხოვო კაცთაგან უკეთესთ - მარკუს ავრელიუსი

5. იქნებ ხართ ან არც ხართ უიღბლო. შეიძლება ხელმოცარული იყოთ, მაგრამ არ არის აუცილებელი მთელი დარჩენილი ცხოვრება ასე გალიოთ. შესაძლოა, ცუდი ჩვევა გქონდეთ, ან იქნებ საერთოდ მავნე ჩვევების კოლექციონერი ხართ. გარემოებები მუდმივად იცვლება. თქვენც შეგიძლიათ შეიცვალოთ! სისუსტის გამოჩენა და მარცხი ადვილია. ტვირთის მხრებიდან ჩამოხსნა, არაფერზე ფიქრი, არაფრის კეთება და არაფერზე დარდიც ადვილია. დღეს გასაკეთებელი საქმის სახვალიოდ გადადებაც ადვილია. უახლოესი დღეებისა და წლების დღევანდელ სიამოვნებაში გაცვლაც ადვილია. ადამიანი თავად ამბობს უარს წინსვლაზე, რადგან ეს რთულია - ჯორდან პეტერსონი

6. ცხოვრებაში არ არსებობს მოკლე გზები. მოკლე გზები ილუზიებია. ცხოვრება მძიმეა, არც ზრდაა ადვილი. ზრდა ბრძოლის შედეგია! - ოშო

7. ჩვენი უმეტესობა წარუმატებელი ცხოვრებით ცხოვრობს, რადგან ,,სათანადო’’ დროს ველით. დროს, როცა რამე ღირებულს გავაკეთებთ. ნუ დაელოდებით! ,,საჭირო დრო’’ არასდროს დადგება. დაიწყეთ იქიდან, სადაც ხართ და იმ ინსტრუმენტებით, რომლებიც ხელთ გაქვთ. უკეთეს ინსტრუმენტებს საქმიანობის პროცესში იშოვით - ნაპოლეონ ჰილი

8. აღფრთოვანების ღირსია, ზოგადად, მზადყოფნა - დაძლიო ყველა სირთულე, იყო სხვებისგან განსხვავებული და, თუნდაც, გარიყული საკუთარი ფასეულობების დასაცავად. მზადყოფნა, თვალებში ჩახედო და ბრანწი უჩვენო ყველა წარუმატებლობას. მართლაც აღტაცების ღირსია თითოეული ადამიანი, რომელსაც მიუფურთხებია ყველა უსიამოვნებისა თუ სიძნელისთვის და არ ეშინია, რომ უხერხულ მდგომარეობაში აღმოჩნდება, ან სულაც ერთი-ორჯერ ჩაისვრის სხვების დასანახად - მარკ მენსონი

9. ღრმად მწამს იღბლის არსებობის. როგორც ჩანს, რაც უფრო მუყაითად ვმუშაობ, უფრო იღბლიანი ვხდები - ტომას ჯეფერსონი

10. კეთილშობილი საქმეა სულში იმდენად დიადი გეგმების ტარება, რომელთა განხორციელება მათაც კი არ ძალუძთ, ვინც უდიდესი სულიერი ნიჭითაა დაჯილდოვებული - სენეკა.

2 პოდკასტი, რომელიც მომეწონა

1. ყავის მოყვარებულებისთვის - ტიმ ფერისს ჰყავდა ძალიან საინტერესო სტუმარი თავის პოდკასტში, რომელიც 1 საათში მოკლედ და გასაგებად ყვება ყავის მდიდარი ისტორიული წარსულის შესახებ. დადუმებული ვუსმენდი ისეთი საინტერესო იყო

2. სტრესის შესახებ ერთი ასეთი დაკვირვება გავაკეთე რამდენიმე ხნის წინ:
   
   გაბორ მათე იყო სტუმრად DOAC პოდკასტში 

   ვინც არ იცით, ეს კაცი არის ძალიან ცნობილი ექიმი-თერაპევტი. რამდენიმე ბესტსელერის ავტორი. მთავარი მიმართულება აქვს ბავშვობის ტრამვა და მისგან გამოწვეული გართულებები.
   
   ამ პოდკასტში ახსენა, რომ რამდენიმე დღის წინ თავს ძალიან ცუდად გრძნობდა.
   
   ლექცია ჩაატარა დიდი აუდიტორიის წინაშე და არ იყო კმაყოფილი თავისი გამოსვლით. გაცილებით უფრო მეტის გაკეთება შემეძლოო.
   
   რამდენიმე დღის განმავლობაში ნეგატიური ფიქრები მოსვენებას არ აძლევდა.
   
   + ამას დაემატა სხვა ცხოვრებისეული პრობლემაც და ფსიქოლოგიურად საკმაოდ ცუდ ადგილას ამოყო თავი ამ კაცმა...
   
   იმ დონეზე გაუჭირდა ფსიქოლოგიურად და სტრესი ისე გაუმწვავდა, კოლეგა ფსიქოლოგების დახმარება დასჭირდა.
   
   ჰოდა, რა მინდოდა მეთქვა:
   
   როდესაც ეს ისტორია მოვისმინე, ეგრევე გავიფიქრე, მეთქი ესეთი ადამიანი, რომელსაც ტომები აქვს დაწერილი ემოციების და ნეგატივის მართვაზე, თუ არის მოწყვლადი სტრესის და სირთულეების მიმართ, ჩვენ უბრალო ადამიანებმა რაღა უნდა ვთქვათ?
   
   რატომ უნდა გაგვიკვირდეს, როდესაც ხანდახან თავს ცუდად ვიგრძნობთ და შფოთვა შემოგვიტევს?
    
   სტრესი, შფოთვა, ნერვიულობა ნორმალურია და ეს ყველას ემართება იმ მარტივი მიზეზის გამო, რომ ადამიანები ვართ. მთავარია მას გასაქანი არ მივცეთ და იმაზე დიდი ხანი არ ,,ვზიდოთ’’ ვიდრე საჭიროა.

   მოკლედ, მაგარი პოდკასტი იყო, გირჩევთ!

წიგნი, რომელსაც მივუბრუნდი

ჯავახიშვილის ,,თეთრი საყელო’’ გადავიკითხე. ბავშვობაში მქონდა წაკითხული და რატომღაც მომინდა ქართველი მწერლის წიგნი წამეკითხა.

ნამდვილად ვისიამოვნე. ჯერ ერთი საერთოდ არ მახსოვდა. მეორეც - სიუჟეტი სულ სხვა თვალით დავინახე.

ამიტომაც, ხანდახან ამართლებს ბავშვობაში წაკითხულ წიგნებთან დაბრუნება. დამიჯერე, ახალი კუთხიდან დაინახავ მოვლენებს.

ბევრი ვიცინე ამ ნაწყვეტზე. მთავარი პერსონაჟი აღწერს ქალაქის აურზაურიდან თავის დაღწევის დადებით მხარეებს. ჩემი იდეალური შვებულება აღწერა ტიპმა 😂 😂 😂 

,,ნამდვილ უდაბნოში ვარ: არც ხელისუფლება, არც მანქანა, არც გადასახადი, არც ადგილკომი, არც ელექტრონი, არც კომკავშირი! არც ბინის კრიზისი მაწუხებს, არც პროფკავშირის გადასახადი. წყალსადენი არ მიფუჭდება და ელექტრონიც არ მიქრება. მილიციელი არ მიბღვერის და დღეში ხუთ კანონს არ ვიზეპირებ. აღარც გაზეთს ვკითხულობ, აღარც მე მკითხულობენ. აღარც ვიცი რა არის ინდექსი, ვინ მღერის ოპერაში, რა სთქვა ჩიკინჯალაძემ, ვინ რამდენი გაჰფლანგა, ჯამაგირს როდის დაგვირიგებენ, ვისი ბინა გასტეხეს, ან წუხელის ვინ დაიხრჩო თავი. აღარც წითელ ფერს ვხედავ, აღარც თეთრი მახსოვს. ვხედავ მხოლოდ მწვანეს…''

__________________________________

იმედი მაქვს, მოგეწონა დღევანდეილი მეილი.

აბა, სასიამოვნო კვირას გისურვებ!