გამარჯობა,

სანამ საქმეზე გადავალ:

დახურული FACEBOOK ჯგუფი გავაკეთე, სადაც სუპერ ექსკლუზიური კონტენტი დაიდება.

მაგარ გათამაშებებსაც მოვაწყობ ჩემი გამომწერებისთვის. ❤️‍🔥 

ჯგუფის შექმნისას, FACEBOOK-მა მთხოვა დამეწერა ჯგუფის შექმნის მიზანი.

ხოდა ეს დავწერე:

,,დიდებული საქმეების მარტო კეთება რთულია. არ არის სავალდებულო მარტო ებრძოლო ყოველდღიურობას. ამ ჯგუფის მიზანია გააერთიანოს თვითგანვითარებაზე ორიენტირებული ადამიანები. ერთობა, ერთმანეთის გვერდში დგომა და შთაგონება უმნიშვნელოვანესი და გადამდებია.’’

გახდი ჯგუფის გამომწერი.

კვირის ვიდეო

წინა გამოცემაში ვახსენე, რომ ჯორდან პეტერსონის წიგნზე ,,ცხოვრების 12 წესი’’ პატარ-პატარა ვიდეოებს გავაკეთებ, სადაც თითოეულ წესს დავფარავ მეთქი.

20+ ადამიანი გამომეხმაურა და მომიწონა იდეა. შესაბამისად, დავიწყე ვიდეო სერიების ჩაწერა. მაშ ასე:

კვირის ფრაზა

ამ ნაწყვეტმა მიიქცია ჩემი ყურადღება.

წიგნიდან ,,სული რომ ამომდიოდა’’:

,,საწოლთან გოგო დგას, მარაოს უნიავებს, როცა შევდივართ, ედი თავს აბრუნებს და გვიყურებს. უკვე ათი დღეა ცოცხალი აღარ არის. ენსმა მიიყვანა აქამდე, ადამიანი ასე სწრაფად ვერ შეიცვლებოდა. ამასაც თუ შეცვლა ჰქვია. მახსოვს, ახალგაზრდობაში მჯეროდა, რომ მხოლოდ სხეული კვდება, ახლა კი ჩემთვის ცხადია, რომ ეს გონების სიკვდილია და, ეს იმ ადამიანების გონების ხვედრია, ვისი ცხოვრებაც მხოლოდ გაჭირვება იყო. ნიჰილისტები ამას აღსასრულს უწოდებენ, ფუნდამენტალისტები - დასაწყისს, სინამდვილეში კი, ადამიანი თავისი სახლის ან ქალაქის მდგმურია მხოლოდ და ბოლოს აქედანაც მიდის.’’

კვირის აღმოჩენები

• ჯონ აპდაიკის წიგნი ,,ბაჭია გაიქეცი’’ - მომეწონა ეს წიგნი. სუფთა მხატვრული კუთხით ხო მაგარი წიგნია. აპდაიკის წერის სტილი შთამბეჭდავია. ამას გარდა, დიდი შინაარსის მატარებელია. ერთი უპასუხისმგებლო კაცის ისტორიაა, რომელიც ახალგაზრდა ასაკში ოჯახს შექმნის. ცოლიც ეზიზღება, თავისი სამსახურიც და მგონი მთელი სამყაროც. არანაირად არ არის მზად მიიღოს და იტვირთოს ცხოვრებისეული პასუხისმგებლობები. სულ გარბის. შედეგად კი, პატარ-პატარა სულელური მოქმედებებით და გადაცდომებით, ჯოჯოხეთისკენ პირქვე ეშვება

• უილიამ ფოლკნერის წიგნი ,,სული რომ ამომდიოდა’’ - დღეს დავასრულე ეს წიგნი. საოცარი წიგნია. იმდენად მინდოდა წიგნზე მელაპარაკა, დღეს, დილის 7 საათზე ავდექი. წიგნი დავასრულე. და სადღაც 8 საათისკენ ვიდეოც ჩავწერე. 😅 მალე დავდებ YOUTUBE-ზე.

დღეისთვის სულ ეს იყო.

აბა შეხვედრამდე. ჩვენს FACEBOOK ჯგუფში გნახავ!

პატივისცემით,

ომარ ნოე წერეთელი