N2 📚 28 ივნისის ნიუსლეთერი

მოგესალმებით,

ამ ნიუსთელეთერში თქვენ ნახავთ:

• წიგნი, რომელსაც გირჩევთ (ლიდერობა; ხალხის მართვა);

• საინტერესო TED TALK;

• მაგარი პოდკასტი, რომელსაც მოვუსმინე;

• ისტორია სილვესტერ სტალონეს შესახებ;

• ფრაზა, რომელიც დაგაფიქრებთ.

წიგნი, რომელიც წავიკითხე:

აბსოლუტური პასუხისმგებლობა ჯოკო უილინკისა და ლიფ ბაბინის ავტორობით. ერთადერთი წიგნის დატოვების უფლება რომ მქონდეს, რომელიც ლიდერობას და ხალხის მართვას ეხება აი ულაპარაკოდ ამ წიგნს დავიტოვებდი.  ჯერ კიდევ წლების წინ წავიკითხე ეს წიგნი (უფრო სწორად მოვუსმინე Audible-ზე. სხვათაშორის თავად ავტორი კითხულობს წიგნს და ეგ ყოველთვის კარგია), თუმცა ქართულად ეხლახანს ითარგმნა და გამოიცა, შესაბამისად ქართულადაც დამაინტერესა და შევიძინე.

ვინ არის ჯოკო უილინკი? ჯოკო არის აშშ-ის ზღვის ლომების ოფიცერი, ამჟამად უკვე პენსიაზე გასული. ხოლო ლიფ ბაბინი გახლავთ მისი თანამებრძოლე, ისიც პენსიაში გასული საზღვაო ოფიცერი. ეს ორი პიროვნება ერთად იბრძოდა ერაყში, ქალაქ არრამადში. ყველაზე სასტიკი და სისხლიანი ბრძოლები სადაც იმართებოდა. ჯოკო ხელმძღვანელობდა ტაქტიკურ დანაყოფს სახელად ბრუზერს, ხოლი ლიფი მისი თანაშემწე იყო. სხვათაშორის ეს ტაქტიკური დანაყოფი ერთერთი ყველაზე სახელოვანი დანაყოფია და ყველაზე მეტად გამშვენებული დაბრუნდა ერაყიდან. ცნობისთვის კრის კაილი, აი ფილმი რომ გადაიღეს ამერიკელი სნაიპერი, ბრუზერში მსახურობდა ჯოკოს დაქვემდებარებაში.

რაზეა წიგნი? წიგნში ჯოკო და ლიფი იხსენებენ თავიანთ საბრძოლო გამოცდილებას ერაყიდან, გამოაქვთ ამ გამოცდილებიდან დასკვნები/გაკვეთილები და შემდგომ სამოქალაქო ცხოვრებაში გამოსაყენებელ თეზისებს გვეუბნებიან.

წიგნის სტრუქტურა არის ძალიან საინტერესო. მაგალითად: ჯოკო ყვება კონკრეტული საბრძოლო ოპერაციის ისტორია. შემდგომ მოდის რა გაკვეთილი ისწავლა ამ ისტორიიდან. ხოლო შემდეგ მოცემულია ეს გაკვეთილი როგორ შეგვიძლია დავნერგოთ სამოქალაქო ცხოვრებაში. შესაბამისად, წიგნი არის ორი კუთხით საინტერესო: 1. საინტერესოა დოკუმენტური კუთხით. დაწვრილებით არის აღწერილი საბრძოლო მოქმედებები და ვისაც სროლა, ,,ექშენი’’, ტანკები და ბეტეერები მოგწონთ დაგაინტერესებთ და 2. ამ სისხლისმღვრელი ისტორიებიდან გამომდნარია ცხოვრებისეული გაკვეთილები.

თავად წინგს ეწოდება აბსოლუტური პასუხისმგებლობა. და ეს კონცეფია არის წიგნის ძირითადი კვაკუთხედი. რას გულისხმობს აბსოლუტური პასუხისმგებლობა? ჯოკოს აზრით ცხოვრებაში ადამიანმა უნდა აიღოს აბსოლუტური პასუხისმგებლობა მის ირგვლივ მიმდინარე ყველა პროცესზე. თავად ადამიანი არის საკუთარი ბედისწერის მჭედელიც, მოქანდაკეც და შემოქმედიც. მიუხედავად იმისა, რაც არ უნდა დაგვემართოს ცხოვრებაში, თუნდაც შემთხვევით და მოულოდნელად, ყველაფერი მაინც ჩვენი პასუხისმგებლობაა.

ეს კოცენფცია ჩემთვის ცოტა ძნელად გასაგები იყო, მაგრამ რომ დაუფიქრდები და წიგნს წაიკითხავ ყველალაფერი ლაგდება. რატომ იყო ძნელი გასაგები? აი მაგალითად, მანქანა რომ დამეჯახოს და ფეხი მომტეხოს მაგაზე პასუხისმგებლობა მე როგორ ავიღო? ეს ხომ შემთხვევითობაა, სადაც ბრალი მე არ მიმიძღვის. რა პასუხისმგებლობაზეა საუბარი? არადა, არ ყოფილა საქმე ესე მარტივად. სწორედაც რომ შემიძლია ამაზე პასუხისმგებლობის აღება. მიუხედავად იმისა, რომ ამ საქმეში ჩემი ბრალეულობა არ იკვეთება, ჩემზეა აბსოლუტურად დამოკიდებული როგორი რეაქცია მექნება ამ მოვლენაზე. დავიწყებ დარდს, თვითგვემას და დეპრესიას მივეცემი იმის გამო რომ რამდენიმე თვით აქტიურ ცხოვრებას ჩამოვცილდი, თუ პირიქით, მედგრად დავდგები, აზრს დავინახავ ამ განსაცდელში და ყველაფერს ოპტიმისტურად შევხედავ. ანუ ჩემზეა დამოკიდებული რა რეაქცია მექნება ამ მოვლენაზე.

TED TALK, რომლის ყურებასაც გირჩევთ:

ეს TED TALK მინდოდა, რომ წიგნთან კავშირში ყოფილიყო. შესაბამისად, ჯოკოს ვიდეოს გთავაზობთ, რათა უკეთესად მიხვდეთ ვინ არის (Extreme Ownership | Jocko Willink | TEDxUniversityofNevada). ფაქტობრივად, ეს ვიდეო არის ზემოთ განხილული წიგნის მოკლე შინაარსი. შესაბამისად, თუ ვიდეო დაგაინტერესებთ, შემდგომ შეგიძლიათ წიგნსაც მიადგეთ.

პოდკასტი, რომლის ყურებასაც/მოსმენასაც გირჩევთ:

დევიდ გოგინსი სტუმრად კრის ვილიამსონთან (David Goggins - How To Master Your Life (4K) | Modern Wisdom Podcast 577). პირდაპირ ვამბობ, ამ პოდკასტმა შეიძლება თქვენი ცხოვრება სრულიად შეცვალოს უკეთესობისკენ და ულევი მოტივაცია და ენერგია მოგცეთ.

პ.ს. ვინც არ იცით, პოდკასტების მოსმენის რამდენიმე ვარიანტია. მე რაც ვიცი და რასაც ვიყენებ: 1. იუთუბზე შეგიძლია უსმინოთ და თან უყუროთ. 2. სპოტიფაის თუ იყენებთ, იქ შეგიძლიათ უსმინოთ. შესაბამისად, მობილურის ინტერნეტით თუ მოუსმენთ, ბევრი რომ არ დაგეხარჯოთ სპოტიფაი ჯობია ^_^

შთამაგონებელი ისტორია სილვესტერ სტალონეს შესახებ:

1975 წელს სილვერსტერ სტალონემ დაწერა სცენარი ფილმისთვის ,,Rocky’’. მთელი ჰოლივუდის სტუდიები და პროდუსერები მოიარა, მაგრამ ყველამ უარით გაისტუმრა. საბოლოოდ, როგორც იქნა ერთი კომპანია დაინტერესდა სახელად - Chartoff-Winkler Productions. კომპანიამ ერთადერთი პირობა დაასახელა - სტალონეს არ უნდა ეთამაშა როკი ბალბოას როლი.

კომპანიის აზრით, როკის როლში უფრო ცნობილი მსახიობი უნდა ყოფილიყო. მათ იმდენად არ უნდოდათ სტალონეს ფილმში მონაწილეობა, რომ ამისთვის დამატებით თანხას სთავაზობდნენ. ,,საბოლოოდ 360 000 დოლარს მიმატებდნენ მარტო იმაში, რომ როკის როლი არ მეთამაში’’ - იხსენებს სტალონე.

მოგვიანებით ერთერთ ინტერვიუში, როდესაც სტალონეს კითხეს თუ რატომ არ აიღო ფული, სტალონემ უპასუხა: ,,მანდ ფული არაფერ შუაში იყო. უბრალოდ ჩემი აუხდენელი ოცნების ხორცშესხმა მინდოდა. ყოველთვის მინდოდა ბედი მეცადა დიდ კინოში. შესაბამისად, ვგრძნობდი, რომ ფული რომ ამეღო შემდგომ ამას მწარედ ვინანებდი’’.

მთავარი გაკვეთილი - ყველა ინტერვიუში სტალონე საუბრობს ოცნებების ახდენაზე და პოტენციალის ბოლომდე გამოწურვაზე. ეს ისტორია რაღაცნაირად შთამაგონებელია. ჩვენ ხშირად მიწას ვაყრით ხოლმე ჩვენს ოცნებებს, ისე რომ ბოლომდე არ ვიხარჯებით და ჩვენი პოტენციალს ბოლომდე არ ვხარჯავთ. შესაბამისად, ვისურვებდი, რომ უფრო მეტი ძალისხმევით მივსდევდეთ ჩვენს ოცნებებს და მიზნებს!

 ფრაზა, რომელიც დაგაფიქრებთ:

,,რატომ დებთ რამეს სამომავლოდ? იმიტომ, რომ, ახლა დაუყოვნებლივ არ გინდათ ამის გაკეთება. ლოგიკურად თამაშობთ და ამბობთ, რომ: ,,ძნელია ამის დაუყოვნებლივ გაკეთება, მაგრამ ხვალ უფრო ადვილი იქნება’’. ყოველი ხვალ დღევანდელ დღედ იქცევა და თქვენ იმავეს გაიმეორებთ’’ - ოშო ,,მდოგვის მარცვალი’’.

დღეისთვის სულ ეს იყო. აბა შეხვედრამდე :)

მოგეწონა დღევანდელი ნიუსლეთერი? თუ მოგწონს, მაშინ შეგიძლია მხარი დამიჭირო და გაუზიარო მეგობარს ეს მეილი. მადლობა მხარდაჭერისთვის <3