გამარჯობა,

,,კვირის ჩანაწერების’’ დღევანდელ გამოცემაში ნახავ:

• კვირის წიგნი (დიდი რეკომენდაცია)

• კვირის აზრი (წიგნის სნობები)

• 12 მოკლე სიმართლე

• კვირის ფრაზა

კვირის წიგნი

აბსოლუტურად ყველას ვურჩევ წაიკითხოს დენიელ კიზის წიგნი ,,ყვავილები ელჯერნონისთვის’’. მე მეორეჯერ გადავიკითხე.

YouTube ვიდეოც გადავიღე, სადაც ვრცლად ვსაუბრობ წიგნზე:

კვირის აზრი

ამ ბოლო დროს რამდენიმე ვიდეო შემხვდა, სადაც ხალხი პიროვნული განვითარების ჟანრის ლიტერატურას აძაგებს და ამ მიმართულების მკითხველს ზემოდან უყურებს.

სნობური მიდგომა ყველა სფეროშია. მათ შორის, არც ლიტერატურაა გამონაკლისი.

თუმცა, ერთი რამ მინდა ვთქვა:

არავის საქმე არ არის ვინ რას კითხულობს, როდის და რატომ.

თუ წიგნი მოგწონს და მასში ღირებულება აღმოაჩინე, ესე იგი ბედნიერი ადამიანი ხარ.

ესე იგი ეგ წიგნი შენთვის დაიწერა.

ესე იგი ეგ წიგნი სწორ დროს და სწორ ადგილას შეგხვდა.

არ აქვს მნიშვნელობა ჯორდან პეტერსონს კითხულობ, მურაკამს, ჰემინგუეის, კოელიოს თუ მარსელ პრუსტს.

მთავარია შენ ხედავდე მასში ღირებულებას და იმ მომენტში გულზე შეგეხოს.

შენ რას ფიქრობ? გამოუშვი პასუხი.

12 მოკლე ამბავი

ეს ამბები სადღაც შემხვდა. გადმოვთარგმნე. ჩემებურად ხელი შევავლე და გიზიარებ:

• ჯოჯოხეთი არის ის ადგილი, სადაც პიროვნება რომელიც ხარ, ხვდება იმ პიროვნებას, რომელიც შეიძლება რომ ყოფილიყავი

• ერთადერთი ადამიანი, რომელიც რაღაც ჯადოქრობით შენს წინაშე გაჩნდება და გადაგარჩენს შენივე თავია

• ნორმად აქციე სიტყვათა წყობა ,,არ ვიცის’’ თქმა. ყველაფერზე საკუთარი აზრი ვერ გექნება

• შენი მენტალური ჯანმრთელობა ნებისმიერ საზოგადოებრივ მოვალეობაზე უფრო მნიშვნელოვანია

• მოტივაციას მაგიური ძალა არ გააჩნია. მოტივაცია მოქმედების დაწყებას მოჰყავს და არა პირიქით

• რაც უფრო აყოვნებ მოქმედებას, მისი დაწყება სულ უფრო გაგიჭირდება

• ყოველდღიურად 20 გვერდის წაკითხვა, წელიწადში 20 დასრულებული წიგნია. დრო არ გაქვს ხო?

• იდეალურ შემთხვევაში 4000 კვირა ვიცხოვრებთ. ნუ დავაყოვნებთ. ვიმოქმედოთ

• განძი, რომელსაც ეძებ, იმ გამოქვაბულშია, სადაც შესვლის გეშინია

• შთაგონება დამწყებთათვისაა. პროფესიონალები დისციპლინას ეყრდნობიან

• ჩვენი ჩვევები, ჩვენი ცხოვრების ჩუმი არქიტექტორები არიან

• ყველაზე დიდი მიჯაჭვულობა თვიური ხელფასია

• შფოთის უებარი წამალი მოქმედებაა

კვირის ფრაზა

,,ინტელექტსა და განათლებას ადამიანური სითბოს გარეშე გახვრეტილი გროშის ფასი აქვს’’

დენიელ კიზი წიგნიდან ,,ყვავილები ელჯერნონისთვის’’.

აბა, სასიამოვნო სამუშაო კვირას გისურვებ!

დროებით,

ომარ ნოე წერეთელი 🤩 

პ.ს. ,,კვირის ჩანაწერების’’ წინა გამოცემა თუ გამოგრჩა.

პ.ს.2. ჩემი Instagram გვერდი.