გამარჯობა,

მინდა მივესალმო ახალ გამომწერებს. მადლობა ,,კვირის ჩანაწერების’’ გამოწერისთვის.

იმედია მოგეწონებათ. მაშ, შევუდგეთ საქმეს

კვირის ფრაზა

გიზიარებ 30 დამაფიქრებელ ფრაზას მარკუს ავრელიუსის წიგნიდან ,,ფიქრები’’:

აქ შეგიძლია ნახო.

ვისაც დაგაინტერესებთ, ეს წიგნი ინტერნეტშიც უფასოდ დევს.

რეკლამა:

ჩემს კომპანიაში აქცია მაქვს. ჩვენი ფეხბურთის ნაკრების საგულშემატკივრო მაისურებზე კარგი ფასდაკლებაა.

1 მაისურის საფასურად (45 ლარი), მეორეს საჩუქრად მოვაყოლებ. მიტანა უფასოა.

დამატებით თუ მეტყვი, რომ ჩემი გამომწერი ხარ - 10 %-ს კიდე გაგიკეთებ!

მომწერე:

Facebook
Instagram

პ.ს. თქვენს მიერ შემოთავაზებული დიზაინის დატანაც შემიძლია. ყველაფერი მოკლედ!

კვირის აზრი

საჯარო სამსახურში 10 წელი გავატარე.

ამ ხნის მანძილზე, 6 კარიერული ნახტომი მქონდა საპასუხისმგებლო თანამდებობებზე.

ახალი საქმის დაწყებისას, ყოველ ჯერზე ერთი და იგივე ფიქრი მაწუხებდა:

• ჩემზე უკეთესი კანდიდატებიც არსებობენ

• არ ვარ მზად ამ პოზიციისთვის

• კომპეტენცია მაკლია

• ვერ გავქაჩავ

ყოველ ჯერზე ჩემი ახლობლები მარწმუნებდნენ, რომ იდეალური ვიყავი ამ სამსახურისთვის.

უფრო მეტიც, ხალხი, რომლებიც ამ პოზიციებს მთავაზობდნენ თავად მარწმუნებდნენ იმაში, რომ მე შესაფერისი კანდიდატი ვიყავი.

როგორც ზემოთ გითხარი, მე ყოველთვის ეჭვის თვალით ვუყურებდი ჩემს შესაძლებლობებს.

არ ვიცოდი და თურმე ამ მდგომარეობს ე.წ. Imposter Syndrome ეწოდება.

ქართულად ,,თვითმარქვიას სინდრომი’’:

• ახალ პოზიციაზე შენ ვერ გაქაჩავ. არ ხარ საკმარისად კომპეტენტური. თვითმარქვია ხარ 

• YouTube ვიდეოს ვერ გადაიღებ ალბერ კამიუს წიგნის განხილვაზე. არ ხარ საკმარისად კომპეტენტური. თვითმარქვია ხარ

• ამ მეილს ვერ დაწერ. არ გამოგდის წერა. თვითმარქვია ხარ

ეს ჩამონათვალი უსასრულოდ შეიძლება გაგრძელდეს.

თუმცა, საქმე რაშია იცი?

როდესაც ე.წ. ,,თვითმარქვიას სინდრომი’’ გიტევს, როგორც წესი ეს იმას ნიშნავს, რომ რაშიდაც ეჭვი გეპარება, იმ საქმეს შენზე უკეთესად მართლა ვერავინ გააკეთებს.

როცა მსგავსი ეჭვები გიპყრობს და კითხვებს სვამ, ეს იმას ნიშნავს, რომ შტერი არ ხარ, რომელიც ამპარტავნობის მწვერვალზეა ჩარჩენილი.

პირიქით, თავმდაბალი ადამიანი ხარ, რომელიც თავისი მოკრძალებული თავდაჯერებულობით ბეჭებზე დადებს ყველა საქმეს.

როგოც ადამ გრანტი წიგნში ,,კიდევ დაფიქრდი’’ წერს:

,,თვითმარქვიად თავის წარმოდგენის სარგებელია ის, რომ უკეთესად ვსწავლობთ. საკუთარ ცოდნასა და უნარ-ჩვევებში ეჭვის შეტანა გვიცავს იმისგან, რომ თავი კვარცხლბეკზე წარმოვიდგინოთ და გვიბიძგებს, რჩევებისთვის სხვას მივამრთოთ’’.

ასე რომ, გილოცავ თუ ,,თვითმარქვიას სინდრომი’’ შემოგიტევს ხოლმე.

როგორც წესი ეგ იმას ნიშნავს, რომ ყველაზე მზად შენ ხარ დიდი საქმეების კეთებისთვის.

დღეისათვის სულ ეს იყო.

სასიამოვნო სამუშაო კვირას გისურვებ!

ომარ ნოე წერეთელი 🥰 

რას იტყვი დღევანდელ მეილზე? შენც გამოგიცდია ე.წ. თვითმარქვიას სინდრომი? გამოუშვი პასუხი