გამარჯობა,

სანამ საქმეზე გადავალ, მანამდე მსურს, მივესალმო ახალ გამომწერებს.

30+ მკითხველი დაგვემატა ამ 1 კვირის განმავლობაში.

კეთილი იყოს თქვენი შემომატება. იმედია მოგეწონებათ.

კვირის აზრი

მენეჯერებისთვის და აღმასრულებელი დირექტორებისთვის არსებობს პიტერ დრაკერის წიგნი, რომელიც მენეჯმენტის ,,ბიბლიად’’ ითვლება.

წიგნი მეგობარმა მაჩუქა. ქართულად დიოგენეს უთარგმნია (არადა, ჩუქებამდე 2 დღით ადრე Amazon-ზე გამოვწერე ინგლისური ვერსია 😅 )

ვფიქრობ, ისეთი წიგნია, არამხოლოდ მენეჯერებმა, არამედ ნებისმიერმა ადამიანმა უნდა წაიკითხოს.

უნივერსალური სიბრძნით არის დატვირთული. ისეთი იდეებით, რომლებიც დროს უძლებს.

და რაც მთავარია ეს იდეები გეხმარება არამხოლოდ ხალხის, არამედ საკუთარი თავის მართვაშიც.

წიგნის ერთერთი თავი დროის მართვას ეხება.

დრაკერი ამბობს, რომ დროის ეფექტიანად მართვა პირველ რიგში იწყება იმის გარკვევით, თუ საერთოდ რაში ვხარჯავთ საკუთარ დროს.

ის ხელმძღვანელებს მოუწოდებს, 2 კვირის განმავლობაში საკუთარ თანაშემწეებს დაავალონ ჟურნალში დეტალურად აღრიცხონ, თუ რა საქმით არიან დაკავებულნი ყოველდღიურად.

ეს მეთოდი ჩვენც შეგვიძლია გამოვიყენოთ. საკუთარი თავის მენეჯერიც ჩვენ ვართ და აღმასრულებელი დირექტორიც.

ბოლობოლო სუპერ კორპორაციას ვმართავთ, რომელსაც ,,მე’’ ქვია.

ეს მეთოდი პირადად ნაცადი მაქვს და დამერწმუნე ბევრ რამეს დაგანახებს.

როდესაც გაანალიზებ, თუ რაში იხარჯება შენი დრო, უკვე მარტივად გადაალაგებ ყოველდღიურობას.

შეამცირებ დროისმჭამელ და უსარგებლო აქტივობებს. ყოველდღიურობას უფრო მეტ შინაარსს მისცემ. იდეალურ ბალანსს დასვამ მუშაობასა და დასვენებას შორის, რასაც Work-Life Balance-ს ეძახიან.

გადამეტების გარეშე - ყველაზე ძვირფასი, რაც ადამიანს გაგვაჩნია არის ხილულ სამყაროში ბოძებული დრო.

როგორც დრაკერი ამბობს:

,,დროის მეტ რაოდენობას ვერც ვერავინ იქირავებს, ვერც ვერავინ იშოვის და ვერც იყიდის. მისი ოდენობა იმთავითვე შეზღუდულია... დროს არც განსაზღვრული ფასი აქვს და მის ზღვრულ სარგებლიანობას ვერანაირი მრუდითაც ვერ გამოსახავ. უფრო მეტიც, დრო უკიდურესად ,,მალფუჭებადი’’ ნაწარმია და მას საწყობში ვერ შეინახავ. გუშინდელი დღე ერთხელ და სამუდამოდ გადის და უკან აღარასოდეს ბრუნდება. შესაბამისად, მუდამ მძაფრად იგრძნობა მისი დეფიციტი’’.

დროის ეფექტიანად მართვის ბევრი ტექნიკა არსებობს. თუმცა, აქვე ვიტყვი, მე დიდად არც ერთ მათგანს არ ვიყენებ. თავისებური მიდგომები მაქვს.

თუმცა, ეგ სხვა თემაა და შეიძლება სხვა დროს დავილაპარაკოთ თუ ინტერესი იქნა...

რეკლამა:

საჩუქრების შერჩევა მაგრად მიყვარს. საყვარელ ადამიანს როცა ვახარებ, მეც სიხარულით ვივსები.

ამასთან ერთად, მე მიყვარს ორიგინალური საჩუქრების გაცემა - დასამახსოვრებელი და შთამბეჭდავი რომ იყოს.

ჰოდა, ეს კომპანია ამ ყველაფრის საშუალებას იძლევა.

ორჯერ გამოვცადე უკვე და კმაყოფილი ვარ. ბოლოს მამაჩემს ვაჩუქე დაბადების დღეზე ეს ვაუჩერი, როგორც კაი პურისმჭამელ კაცს და მოეწონა. 😅 

კვირის ვიდეო

ვაგრძელებ ჯორდან პეტერსონის წიგნის ,,ცხოვრების 12 წესიდან’’ თითოეული წესის შესახებ ვიდეოების ჩაწერას:

კვირის ფილმი

ეს ფილმი ძალიან მომეწონა.

კვირის ფრაზა

ჩემს დახურულ FACEBOOK ჯგუფში 18 ფრაზა დავდე ბრაიან თრეისის წიგნიდან ,,მიზნები’’.

მიმდინარე კვირისთვის სულ ეს იყო,

აბა სასიამოვნო სამუშაო კვირას გისურვებ,

ომარ ნოე წერეთელი

P.S. კითხვა: წელს წაკითხული წიგნებიდან რომელმა მოახდინა შენზე ყველაზე დიდი გავლენა?

მომწერე პასუხი და ჩემს ვარიანტსაც გეტყვი.