გამარჯობა,

3 თვეა არ გამომიგზავნია მეილი. ამ დროის მანძილზე ბევრმა ადამიანმა მომიკითხა.

კარგად ვარ, ძველებურად. იმედია შენც მაგრად ხარ!

რაც შეეხება ,,კვირის ჩანაწერების’’ ყოველკვირეულ გამოცემას:

ისევ ძველ რეჟიმში გავაგრძელებ. საინტერესო და სასარგებლო მეილებს კვირაში ერთხელ მიიღებ!

ბევრი რომ აღარ გავაგრძელო, გადავიდეთ საქმეზე.

კვირის აზრი

სხეულის ენის სერიოზული ექსპერტი იყო სტუმრად ერთერთ პოდკასტში. თითქმის 3 საათიანი გადაცემაა.

ბოლომდე ვუყურე და საინტერესო ჩანაწერები გავაკეთე, რომლებიც მინდა გაგიზიარო. ორიგინალი ვიდეო ინგლისურ ენაზე აქ შეგიძლია ნახო.

• ექსპერეტი ამბობს, რომ ქარიზმა და გავლენიანი კომუნიკაციები 100%-ით დასწავლადია. არსებობს ხალხი, რომლებსაც დაბადებიდან აქვთ გავლენიანი კომუნიკაციის კარგი უნარები, თუმცა სუპერ ინტროვერტებსაც თავისუფლად შეუძლიათ ქარიზმატულები გახდნენ

• 3 ჯადოსნური ფრაზა ხალხის დასამეგობრებლად:

  ,,ზუსტად ეხლა ვფიქრობდი შენზე’’

  ,,ყოველთვის ესეთი …X… როგორ ხარ’’

  ,,ბოლო საუბრისას შენ ახსენე რომ…’’

• როდესაც სერიოზულ დიალოგში ხარ, ხელებით საუბარი ძალიან ეფექტურია. მათ შორის ხელის გულების გამოჩენა

• ქარიზმატულ ხალხს 2 მთავარი თვისება აქვთ: არიან ძალიან თბილები (აღძრავენ სანდოობას და მეგობრულობას) და არიან ძალიან კომპეტენტურები (არიან პროფესიონალები; ძალაუფლების მქონენი; შეიძლება მათზე დაყრდნობა)

• როდესაც მნიშვნელოვან დიალოგში ხარ მხრების ზემოთ აზიდვა და კისრი დამალვა თავდაჯერებულობის დაბალ დონეს ასხივებს

• დიალოგში თვალებით კონტაქტის დამყარება სავალდებულოა. გასაკუთრებით მაშინ, როდესაც მნიშვნელოვან წინადადებას ამბობ. წინადადების ბოლოსკენ თვალებით კონტაქტი უნდა დაამყარო. ასევე, როდესაც მეორე მხარე რაღაც მნიშვნელოვანს ამბობს, ამ დროსაც თვალებით კონტაქტის დამყარება სავალდებულოა

• თუ გინდა შენი ნათქვამი უფრო გამოკვეთილად იქნეს აღქმული, თვალების დავიწროება და შემდგომ აზრის ჩამოყალიბება უფრო ეფექტურია

• 3-ჯერ ნელა თავის ნელა დაქნევა არის პატარა ხრიკი - შენი თანამოსაუბრე უფრო კომფორტული ხდება და უფრო მეტსაც საუბრობს

• თავის გვერდზე გადახრა და ეგრე მოსმენაც უფრო ათბობს საუბარს

• ნამდვილი ღიმილი თავისთავად უმნიშვნელოვანესია

• წინ გადახრა (ოღონდ ისე, რომ არ დაარღვიო პირადი სივრცე) და ისე საუბარი ესეც კარგია კომუნიკაციისთვის

• რამდენიმე შეკითხვა, რომელიც უცნობ ადამიანთან მალე დაგაახლოვებს და ყინულს გაალღობს: ,,ბოლო პერიოდში რაიმე მაგარი რაღაც თუ გააკეთე?’’; ,,რა არის შენი დიდი მიზანი ამჟამად?’’; რომელ პერსონაჟს ამსგავსებ საკუთარ თავს?’’

კვირის ვიდეო

ალბერ კამიუს წიგნი ,,შავი ჭირი’’ გადავიკითხე მეორეჯერ და განხილვის ვიდეოც ჩავწერე. თუ გაქვს ეს წიგნი წაკითხული მოიწერე. როგორ დაახასიათებდი?

კვირის წიგნი

2025 წელს წაკითხული წიგნებიდან ყველაზე მაგარი წიგნი მინდა გირჩიო.

ეს არის წიგნი, რომელზედაც შემიძლია თავი დავდო, რომ ყველა ქართველს მოეწონება - დალილა ცატავას ,,გასტრონომიული სიზმრები’’.

ქართული სამზარეულოს, ცნობილი ქართული კერძების, ღვინის ისტორია და ფესვებია გადმოცემული…

სუპერ საინტერესო წიგნი აღმოჩნდა. თან მაგრად მოგაშიებს!

კვირის ფრაზა

,,დამოკიდებულება უფრო მნიშვნელოვანია, ვიდრე ფაქტები. რაც უნდა ფაქტის წინაშე აღმოჩნდეთ, რაც უნდა უიმედოდ იყოს საქმე, უფრო მნიშვნელოვანი მაინც თქვენი დამოკიდებულებაა ამ ფაქტის მიმართ. მომხდარზე ფიქრმა შესაძლოა, მანამდე დაგცეთ, ვიდრე მის წინააღმდეგ რაიმე ზომას მიმართავდეთ. თუ ნებას მისცემთ, ნებისმიერი გასაჭირი დაგჯაბნით, სანამ მის აღმოსაფხვრელად რაიმეს მოიმოქმედებდეთ.’’

ნორმან პილი

აბა შეხვედრამდე და სასიამოვნო კვირას გისურვებ!

დავბრუნდი!

საუკეთესო სურვილებით, 😍 

ომარ ნოე წერეთელი