გამარჯობა,

თუ პირველად მოხვდი აქ - გამოიწერე გამოცემა.

ჩემი ახალი YOUTUBE ვიდეო, სადაც წარმატების ბიბლიოთეკის წიგნს განვიხილავ:

ბრაიან თრეისი - ,,მიზნები’’

90 ზაფხული

ეს მეილი ზაფხულის ბოლო გამოცემაა. სწრაფად გავიდა 3 თვე.

მგონია დრო აჩქარდა და ცხოვრების მარათონში ყოველთვის ჩემზე წინ გარბის.

არადა, დრო ხომ უცვლელია და მარადიული.

100 წლის წინ როგორც გადიოდა წელიწადის დრო, თვე, კვირა თუ დღე, იგივეა ეხლაც.

მგონი, ერთადერთი ვინც აჩქარდა ადამიანია.

ერთ ბლოგერთან საინტერესო ვიზუალი შემხვდა, რომელიც მინდა გაგიზიარო.

კარგ შემთხვევაში, ადამიანი 90 ზაფხულს მოესწრება.

ერთი ბურთულა ერთ ზაფხულს წარმოადგენს.

მე 31 წლის ვარ. 31 ზაფხულს უკვე დავემშვიდობე და გადავხაზე.

წინ 59 ბურთულაა გადასახაზი.

სურათზე ცხადად გამოტანილი, არც თუ ისე ბევრი ჩანს. 😅 

ამ ვიზუალმა სამ რამეზე დამაფიქრდა:

1. დროის ხარისხიანად გატარება - ოჯახთან და საყვარელ ხალხთან უფრო მეტ დროს უნდა ვატარებდეთ. ყოველდღიურ რუტინას არ უნდა მივცეთ უფლება ოჯახზე წინ რამე სხვა დააყენოს

2. თითოეული დღით ტკბობა - ყოველი გათენებული დღე საჩუქარია და პოტენციალი. ახალი ფურცელი. ახალი მარათონი. ახალი შანსი. ეს უნდა დაფასდეს
   

3. არსად მეჩქარება - შეიძლება დღეს არ გამოვიდეს და ხვალ გამოვა. ხვალ თუ არ გამოვა, 1 თვის თავზე გამოვა. თუ 1 თვის თავზე არა, 1 წლის თავზე გამოვა. ან შეიძლება საერთოდაც არ გამოვიდეს. რას ვიზამ? 59 ბურთულა მაქვს დარჩენილი. ყველა უნდა შევირგო. ხომ ვთქვი არსად მეჩქარება-მეთქი?

კვირის ფრაზა

,,დრო ერთადერთი ფაქტორია, რომლიც უცვლელი რჩება. ცხოვრება არის აწმყო. არ არსებობს დრო, როდესაც თქვენი ცხოვრება არ იყო აწმყო. ასე დრო არც მოვა’’

ეკჰარტ ტოლე წიგნიდან ,,აწმყოს ძალა’’.

კვირის აღმოჩენები

• ჯონ აპდაიკის წიგნი დავასრულე (,,ბაჭია, გაიქეცი’’). ძალიან მომეწონა. სანამ ტვინში ცხელია, წიგნის შესახებ ვიდეოს ჩაწერას ვაპირებ

• 10 ფრაზა წიგნიდან ,,ატომური ჩვევები’’

• 11 წუთიანი ვიდეო, რომელიც შეუპოვრობის შესახებ იმაზე მეტს გეტყვის, ვიდრე სქელტანიანი წიგნი.

ამ კვირისთვის სულ ეს იყო.

აბა, სასიამოვნო ზაფხულის ბოლო კვირას გისურვებ!

საუკეთესო სურვილებით,

ომარ ნოე წერეთელი

P.S. 90 ზაფხულის ვიზუალმა მარტო ჩემზე მოახდინა შთაბეჭდილება? შენ რას იტყოდი? გამიზიარე შთაბეჭდილებები.

P.S.2. წინა გამოცემა თუ გამოგრჩა შეგიძლია აქ ნახო.