N10 📚 2 აგვისტოს ნიუსლეთერი

მოგესალმებით, 😄 

რას ნახავ ამ მეილში?

1. ნეგატიური ვიზუალიზაცია და სტოიციზმი;

2. პოდკასტი, რომელიც მომეწონა;

3. ფრაზა, რომელიც დაგაფიქრებს;

4. რა დავამუღამე ამ კვირაში?;

5. ფილმი, რომელიც ვნახე.

ნეგატიური ვიზუალიზაცია:

ნეგატიური ვიზუალიზაცია არის ძალიან ჭკვიანური ტექნიკა, რომელსაც სტოიციზმის სკოლის წარმომადგენლები მიმართვადნენ.

ისინი ვარჯიშობდნენ ნეგატიურ ვიზუალიზაციაში - კერძოდ, წარმოიდგენდნენ ყველაზე საშინელ სცენარს, რაც კი შეიძლებოდა დამართოდათ. ამას აკეთებდნენ იმისთვის, რომ მუდმივად მზად ყოფილიყვნენ ყველაფრის დასაკარგად.

მაგალითად, სენეკა ძველ რომში უმდიდრეს ადამიანად ითვლებოდა. ძალიან დიდ ფუფუნებაში ცხოვრობდა. ის ყოველ ღამით აკეთებდა ნეგატიური ვიზუალიზაციის პრაქტიკას და სხვებსაც მოუწოდებდა ამისკენ.

შედეგად, ის მუდმივად მზად იყო როგორც უდიდესი გამარჯვებისთვის, ასევე უდიდესი მარცხისთვისაც!

სენეკა არასდროს არ ყოფილა მიჯაჭვული თავის სიმდიდრეზე და საზოგადოებრივ სტატუსზე. თუ ერთ მშვენიერ დღესაც პირწმინდად დაკარგავდა ყველა ამქვეყნიურ სიკეთეს, ეს მის ბედნიერებაზე და სულიერ სიმშვიდზე გავლენას ვერ მოახდენდა.

ნეგატიური ვიზუალიზაციის ტექნიკით ის გაშინაურებული იყო ყველაზე ცუდ სცენარებთან.

ნათქვამია:

,,ვინც გეგმებს აწყობს, კოვზი ნაცარში ჩაუვარდება, და ვინც რაღაცას ეპოტინება, იმას დაკარგავს. ამიტომ არის, რომ: ბრძენი არ იბრძვის გამარჯვებისთვის, ამიტომ იგი ვერ დამარცხდება. ბრძენი არარას ფლობს, ამიტომ იგი არაფერს კარგავს’’.

ნეგატიური ვიზუალიზაციის შესახებ პატარა ვიდეო ჩემს ტიკტოკზეც დავდე, სადაც დიდი ნახვები დააგროვა.

შესაბამისად, აზრთა სხვადასხვაობაც გამოიწვია. რამდენიმე ადამიანმა დაწერა, რომ ნეგატიური ვიზუალიზაციით ცუდს მიიზიდავ და საშიშია. შედეგად, ცუდ რაღაცებს დაამანიფესტირებ შენს ცხოვრებაშიო...

ვიფიქრე ამ თემაზე და მოგახსენებთ ჩემს აზრს.

ზოგადად, გასაგებია პოზიტიური აზროვნება, პოზიტიური ფიქრები და პოზიტივით გაჯერებული გონება გაცილებით უკეთ და ჯანსაღად ფუნქციონირებს, ვიდრე ნეგატივით და პესიმიზმით მოწყენილი ტვინი.

თუმცა, აქ ერთი რაღაც მინდა ვთქვა ხაზგასმით!

ხანდახან გადამეტებულია ეს პოზიტიური ვიზუალიზაციები და ხალხი შეცდომაში შედის...

ჩემს ვიდეოებში საკმარისია ვახსენო პოზიტიური აზროვნება, მანიფესტაციები და მსგავსი კონცეფციები, რომ ვიდეო გავარდება და უამრავი ხალხი უყურებს.

კიდე ერთხელ ვამბობ, პოზიტიურ მანიფესტაციას თავისი ადგილი აქვს და მნიშვნელოვანია.

მაგრამ ავადმყოფობად და აკვიატებად იქცევა ხოლმე, როდესაც არაფერი ,,საპოზიტიურო’’ არ გაქვს ამ ცხოვრებაში და თავს მაინც აჯერებ, რომ ყველაფერი კარგადაა:

იმის გამო რომ კვებას ვერ არეგულირებ +50 კგ ხარ, დიებეტის წინა სტადიაზე, 2 ნაბიჯის გადადგმაზე გულით ხელით გიჭირავს, მაგრამ დილას სარკეში შენ თავს ყოველდღე ეუბნები რომ სასწაული პიროვნება ხარ და ყველაფერი კარგად არის.

ეს აზროვნება უკვე მომწამლავია. საჭიროა რეალობის დანახვა. საჭიროა უთხრა შენს თავს, რომ კონკრეტულ მომენტში ხარ ,,ლუზერი’’. რომ გჭირდება მოქმედება, გჭირდება ხელის განძრევა, გჭირდება ბრძოლა.

ასევე, არავის უნდა ხოლმე სიკვდილზე ფიქრი.

სიურპრიზს გეტყვით! ყველა მოვკვდებით. ჩვენი სახელი მაქსიმუმ 2 თაობას ემახსოვროს (თუ რამე მაგარი საქმე არ დავტოვეთ, რაც იშვიათია). ასევე, ფართო გაგებით არავინ ვართ სამყაროსთვის. მტვრის ნაწილაკზე უმნიშვნელო ვართ.

ასე რომ, ხანდახან ნეგატივზე ფიქრიც მნიშნელოვანია. განსაკუთრებით სიკვდილზე!

ეგ აძლევს ჩვენს ცხოვრებას აზრს. სიკვდილი რომ არ იყოს და დროში შეზღუდულნი რომ არ ვიყოთ, არასდროს არაფერს გავაკეთებდით!

პოდკასტი, რომელსაც მოვუსმინე

რაიან ჰოლიდეი სტუმრად ჯოკო უილინკთან. 4 საათი და 23 წუთი გრძელდება. ნამდვილად ღირდა ამ დროის ინვესტირება.

ფრაზა, რომელიც დაგაფიქრებთ:

,,დაისახეთ მიზანი. აირჩიეთ რაღაც ისეთი, რისი კონცეპტუალურად ჩამოყალიბებაც მოცემულ მომენტში შეგიძლიათ. დასახული მიზნისკენ იარეთ ბორძიკ-ბორძიკით, მაგრამ იარეთ. გზად თქვენი შეცდომები და მცდარი შეხედულებები დაინახეთ, მათ თვალი გაუსწორეთ და გამოასწორეთ. საკუთარი ისტორია კარგად გაიაზრეთ და სწორად ჩამოაყალიბეთ. წარსული, აწმყო და მომავალი - ყველა მნიშვნელოვანია.

თქვენ მიერ გასავლელი გზის დაგეგმვა დაგჭირდებათ. უნდა იცოდეთ, ეხლა სად იმყოფებით, რათა წარსულის შეცდომები არ გაიმეოროთ. უნდა იცოდეთ საით მიემართებით, თუ არა და, გაურკვევლობაში, არაპროგნოზირებადობასა და ქაოსში ჩაიხრჩობით. კარგია თუ ცუდია, გზაზე დამდგარი ხართ. თავგადასავალი გაქვთ - და თქვენთვისვე აჯობებს, თქვენ მიერ შედგენილი რუკა ზუსტი იყოს. ნებაყოფლობით დაუპირისპირდით იმას, რაც გზაზე გადაგეღობებათ’’ - ჯორდან პეტერსონი

რა დავამუღამე ამ კვირაში:

სპოტიფაის ალბათ იყენებ ხო? (თუ არ იყენებ, რას ელოდები?) შექმნილ ფლეილისტს აქვს ერთი ძალიან საინტერესო ფუნქცია, რომელსაც ქვია ,,Smart Shuffle’’.

როდესაც ჩაურთავ ამ ფუნქციას და მუსიკებს გადართავ, სპოტიფაი თავისი ალგორითმის წყალობით შემოგიგდებს ახალ-ახალ მუსიკებს (რომლებიც ფლეილისთში არ გაქვს), რომელზედაც ფიქრობს რომ შეიძლება არ იცოდე და შეიძლება მოგეწონოს.

ძალიან მაგრად მუშაობს. იმდენი ახალი მუსიკა აღმოვაჩინე… მგონი სპოტიფაის ალგორითმი უფრო კარგად მიცნობს, ვიდრე ჩემი მეგობრები. 😀 

ფილმი, რომელიც ბოლოს ვნახე:

უნდა გამოგიტყდეთ… ძალიან მრცხვენია.

ბარბი ვნახე კვირას… არ მინდოდა. ცოლმა წამიყვანა და უარი ვერ ვუთხარი. თავიდანვე უჟმური განწყობა მქონდა ამ ფილმის მიმართ. და გამიმართლდა განწყობა. ძალიან არ მომეწონა.

პრინციპში თანამედროვე ჰოლივუდს რომ შეეფერება ისეთი ფილმია. ინკლუზიური, დებილური და პრიმიტიული. 😃 

ჩემი ცოლი გაერთო. მე ვერა 🤔 

დღეისთვის სულ ეს იყო.

პ.ს. თუ გინდა პასუხი დამიბრუნო მეილზე და მომწერო, მეილის მეშვეობით შეგიძლია დამიბრუნო პასუხი. ყველა გამოხმაურებას ვკითხულობ. ❤️ 

ნეგატ…